June 18, 2018
Breaking News

നാല് വര്‍ഷമായി ഈ വണ്ടിയില്‍ നാട് ചുറ്റുകയാണ്; വീടും ജീവിതവുമെല്ലാം വാനില്‍ തന്നെ; ഇവര്‍ ജീവിക്കാനുള്ള വഴി കണ്ടെത്തുന്നതോ?

ഈ യുവ ദമ്പതികള്‍ നാട് ചുറ്റുകയാണ്. ഇതിനോടകം പിന്നിട്ടത് ഒരു ലക്ഷം കിലോമീറ്ററാണ്. ഇരുപത്തിനാലുകാരായ ക്ലിയോ കോഡ്‌റിങ്റ്റണും, മിച്ച് കോക്‌സുമാണ് നാല് കൊല്ലമായി ഓസ്‌ട്രേലിയ ചുറ്റിസഞ്ചരിച്ച് ജീവിക്കുന്നത്.

2002 മോഡല്‍ ടൊയോട്ടയിലാണ് ഊര് ചുറ്റല്‍. വീടും, ജീവിതവുമെല്ലാം ഈ വാന്‍ തന്നെ. ഓരോ ദിവസവും വ്യത്യസ്ത സ്ഥലങ്ങളിലാണ് ഇവര്‍ക്ക് നേരം പുലരുന്നത്. ഇവരുടെ ജീവിതം കണ്ടാല്‍ ആര്‍ക്കും അത്ഭുതം തോന്നും.

കോളേജില്‍ വെച്ച് കണ്ട് മുട്ടിയ ഇരുവര്‍ക്കും യാത്രകളോട് ഇഷ്ടമായിരുന്നു. പിന്നീട് ഒരു കൊല്ലത്തേക്ക് നാട് ചുറ്റാന്‍ തീരുമാനിച്ചു. അത് പിന്നീട് രണ്ടാം കൊല്ലത്തിലേക്ക് നീണ്ടു. ഇപ്പോള്‍ നാല് കൊല്ലമായി ഈ വാനും യാത്രയുമാണ് ജീവിതം.

യാത്രക്കും ജീവിക്കാനുള്ള വഴിയും കണ്ടെത്തുകയായിരുന്നു പിന്നീടുള്ള പ്രശ്‌നം. ഒരു ട്രാവല്‍ മാഗസിന് തങ്ങളുടെ യാത്രയുടെ ചിത്രങ്ങള്‍ കൊടുത്ത് അതിന് ഒരു വിധം പരിഹാരം കണ്ടെത്തി. ഷോപ്പിംഗും പുറത്ത് നിന്ന് ഭക്ഷണം കഴിക്കുന്നതുമെല്ലാം ഇതിനാല്‍ ഇവര്‍ വേണ്ടെന്ന് വെച്ചിരിക്കുകയാണ്. വാനില്‍ യാത്ര ചെയ്ത് ഭക്ഷണം സ്വയം പാകം ചെയ്ത് കഴിച്ച് ഇവര്‍ യാത്ര തുടരുകയാണ്.

Leave a Reply

Your email address will not be published. Required fields are marked *

error: Content is protected !!